Numbered Discourses 5.118 12. At Andhakavinda Having Wrong View (AN5.118)

1.1

“Pañcahi, bhikkhave, dhammehi samannāgatā bhikkhunī yathābhataṁ nikkhittā evaṁ niraye.

“Mendicants, a nun with five qualities is placed in hell as if delivered there.

1.2

Katamehi pañcahi?

What five?

1.3

Ananuvicca apariyogāhetvā avaṇṇārahassa vaṇṇaṁ bhāsati,

Without examining or scrutinizing, she praises those deserving of criticism,

1.4

ananuvicca apariyogāhetvā vaṇṇārahassa avaṇṇaṁ bhāsati,

and criticizes those deserving of praise.

1.5

micchādiṭṭhikā ca hoti,

She has wrong view

1.6

micchāsaṅkappā ca,

and wrong purpose,

1.7

saddhādeyyaṁ vinipāteti.

and wastes gifts given in faith.

1.8

Imehi kho, bhikkhave, pañcahi dhammehi samannāgatā bhikkhunī yathābhataṁ nikkhittā evaṁ niraye.

A nun with these five qualities is placed in hell as if delivered there.

2.1

Pañcahi, bhikkhave, dhammehi samannāgatā bhikkhunī yathābhataṁ nikkhittā evaṁ sagge.

A nun with five qualities is placed in heaven as if delivered there.

2.2

Katamehi pañcahi?

What five?

2.3

Anuvicca pariyogāhetvā avaṇṇārahassa avaṇṇaṁ bhāsati,

After examining and scrutinizing, she criticizes those deserving of criticism,

2.4

anuvicca pariyogāhetvā vaṇṇārahassa vaṇṇaṁ bhāsati,

and praises those deserving of praise.

2.5

sammādiṭṭhikā ca hoti,

She has right view

2.6

sammāsaṅkappā ca,

and right purpose,

2.7

saddhādeyyaṁ na vinipāteti.

and doesn’t waste gifts given in faith.

2.8

Imehi kho, bhikkhave, pañcahi dhammehi samannāgatā bhikkhunī yathābhataṁ nikkhittā evaṁ sagge”ti.

A nun with these five qualities is placed in heaven as if delivered there.”

2.9

Aṭṭhamaṁ.