Numbered Discourses 5.116 12. At Andhakavinda Praise (AN5.116)

1.1

“Pañcahi, bhikkhave, dhammehi samannāgatā bhikkhunī yathābhataṁ nikkhittā evaṁ niraye.

“Mendicants, a nun with five qualities is placed in hell as if delivered there.

1.2

Katamehi pañcahi?

What five?

1.3

Ananuvicca apariyogāhetvā avaṇṇārahassa vaṇṇaṁ bhāsati,

Without examining or scrutinizing, she praises those deserving of criticism,

1.4

ananuvicca apariyogāhetvā vaṇṇārahassa avaṇṇaṁ bhāsati,

and criticizes those deserving of praise.

1.5

ananuvicca apariyogāhetvā appasādanīye ṭhāne pasādaṁ upadaṁseti,

She arouses faith in things that are dubious,

1.6

ananuvicca apariyogāhetvā pasādanīye ṭhāne appasādaṁ upadaṁseti,

and doesn’t arouse faith in things that are inspiring.

1.7

saddhādeyyaṁ vinipāteti.

And she wastes gifts given in faith.

1.8

Imehi kho, bhikkhave, pañcahi dhammehi samannāgatā bhikkhunī yathābhataṁ nikkhittā evaṁ niraye.

A nun with these five qualities is placed in hell as if delivered there.

2.1

Pañcahi, bhikkhave, dhammehi samannāgatā bhikkhunī yathābhataṁ nikkhittā evaṁ sagge.

A nun with five qualities is placed in heaven as if delivered there.

2.2

Katamehi pañcahi?

What five?

2.3

Anuvicca pariyogāhetvā avaṇṇārahassa avaṇṇaṁ bhāsati,

After examining and scrutinizing, she criticizes those deserving of criticism,

2.4

anuvicca pariyogāhetvā vaṇṇārahassa vaṇṇaṁ bhāsati,

and praises those deserving of praise.

2.5

anuvicca pariyogāhetvā appasādanīye ṭhāne appasādaṁ upadaṁseti,

She doesn’t arouse faith in things that are dubious,

2.6

anuvicca pariyogāhetvā pasādanīye ṭhāne pasādaṁ upadaṁseti,

and does arouse faith in things that are inspiring.

2.7

saddhādeyyaṁ na vinipāteti.

And she doesn’t waste gifts given in faith.

2.8

Imehi kho, bhikkhave, pañcahi dhammehi samannāgatā bhikkhunī yathābhataṁ nikkhittā evaṁ sagge”ti.

A nun with these five qualities is placed in heaven as if delivered there.”

2.9

Chaṭṭhaṁ.