Numbered Discourses 4.176 18. Intention Aspiration (AN4.176)

1.1

“Saddho, bhikkhave, bhikkhu evaṁ sammā āyācamāno āyāceyya:

“Mendicants, a faithful monk would rightly aspire:

1.2

‘tādiso homi yādisā sāriputtamoggallānā’ti.

‘May I be like Sāriputta and Moggallāna!’

1.3

Esā, bhikkhave, tulā etaṁ pamāṇaṁ mama sāvakānaṁ bhikkhūnaṁ, yadidaṁ sāriputtamoggallānā.

These are a standard and a measure for my monk disciples, that is, Sāriputta and Moggallāna.

2.1

Saddhā, bhikkhave, bhikkhunī evaṁ sammā āyācamānā āyāceyya:

A faithful nun would rightly aspire:

2.2

‘tādisā homi yādisā khemā ca bhikkhunī uppalavaṇṇā cā’ti.

‘May I be like the nuns Khemā and Uppalavaṇṇā!’

2.3

Esā, bhikkhave, tulā etaṁ pamāṇaṁ mama sāvikānaṁ bhikkhunīnaṁ, yadidaṁ khemā ca bhikkhunī uppalavaṇṇā ca.

These are a standard and a measure for my nun disciples, that is, the nuns Khemā and Uppalavaṇṇā.

3.1

Saddho, bhikkhave, upāsako evaṁ sammā āyācamāno āyāceyya:

A faithful layman would rightly aspire:

3.2

‘tādiso homi yādiso citto ca gahapati hatthako ca āḷavako’ti.

‘May I be like the householder Citta and Hatthaka of Āḷavī!’

3.3

Esā, bhikkhave, tulā etaṁ pamāṇaṁ mama sāvakānaṁ upāsakānaṁ, yadidaṁ citto ca gahapati hatthako ca āḷavako.

These are a standard and a measure for my male lay disciples, that is, the householder Citta and Hatthaka of Āḷavī.

4.1

Saddhā, bhikkhave, upāsikā evaṁ sammā āyācamānā āyāceyya:

A faithful laywoman would rightly aspire:

4.2

‘tādisā homi yādisā khujjuttarā ca upāsikā veḷukaṇḍakiyā ca nandamātā’ti.

‘May I be like the laywomen Khujjuttarā and Veḷukaṇṭakī, Nanda’s mother!’

4.3

Esā, bhikkhave, tulā etaṁ pamāṇaṁ mama sāvikānaṁ upāsikānaṁ, yadidaṁ khujjuttarā ca upāsikā veḷukaṇḍakiyā ca nandamātā”ti.

These are a standard and a measure for my female lay disciples, that is, the laywomen Khujjuttarā and Veḷukaṇṭakī, Nanda’s mother.”

4.4

Chaṭṭhaṁ.