Numbered Discourses 4.137 14. Individuals Ethics (2nd) (AN4.137)

1.1

“Cattārome, bhikkhave, puggalā santo saṁvijjamānā lokasmiṁ.

“Mendicants, these four individuals are found in the world.

1.2

Katame cattāro?

What four?

1.3

Idha, bhikkhave, ekacco puggalo na sīlagaru hoti na sīlādhipateyyo, na samādhigaru hoti na samādhādhipateyyo, na paññāgaru hoti na paññādhipateyyo.

One individual doesn’t value or submit to ethics, immersion, or wisdom.

2.1

Idha pana, bhikkhave, ekacco puggalo sīlagaru hoti sīlādhipateyyo, na samādhigaru hoti na samādhādhipateyyo, na paññāgaru hoti na paññādhipateyyo.

One individual values and submits to ethics, but not to immersion or wisdom.

3.1

Idha pana, bhikkhave, ekacco puggalo sīlagaru hoti sīlādhipateyyo, samādhigaru hoti samādhādhipateyyo, na paññāgaru hoti na paññādhipateyyo.

One individual values and submits to ethics and immersion, but not wisdom.

4.1

Idha pana, bhikkhave, ekacco puggalo sīlagaru hoti sīlādhipateyyo, samādhigaru hoti samādhādhipateyyo, paññāgaru hoti paññādhipateyyo.

One individual values and submits to ethics, immersion, and wisdom.

4.2

Ime kho, bhikkhave, cattāro puggalā santo saṁvijjamānā lokasmin”ti.

These are the four individuals found in the world.”

4.3

Sattamaṁ.